У 32-і раз у адным з найбуйнейшых сельскагаспадарчых рэгіёнаў Расійскай Федэрацыі - Рэспубліцы Башкартастан - сабраліся вядучыя кампаніі, аграхолдынгі і лепшыя эксперты, прадстаўнікі ворганаў улады, прафесійных саюзаў і асацыяцыяў, навукоўцаў, топ-менеджмент аграрнага бізнесу і тысячы мэтавых наведвальнікаў для вырашэння найбольш актуальных задач галіны.

У адкрыцці выставы «Агракомплекс» браў удзел кіраўнік Рэспублікі Башкартастан Радый Хабіраў, а колькасць спецыялістаў АПК, якія наведалі мерапрыемства, перавысіла 17 000 чалавек. «Гомсельмаш» прадэманстраваў аграрыям збожжаўборачны камбайн GS3219, самаходную касілку CS100 і кормаўборачны камбайн FS8060.

Ключавым вынікам выставы для «Гомсельмаша» стала падпісанне пагаднення з Міністэрствам сельскай гаспадаркі Рэспублікі Башкартастан на пастаўку буйной партыі збожжа- і кормаўборачных камбайнаў «Гомсельмаша» і «Брансксельмаша». Тэхніка будзе пастаўлена сельскагаспадарчым вытворцам Башкартастана з прадастаўленнем субсідый у рамках рэалізацыі дзяржаўнай праграмы «Развіццё сельскай гаспадаркі і рэгулявання рынкаў сельскагаспадарчай прадукцыі, сыравіны і харчавання ў Рэспубліцы Башкартастан».

Акрамя карыснага кантракту на выставе «Агракомплекс 2022» «Гомсельмаш» быў узнагароджаны Залатым медалем і дыпломам у намінацыі «За авалоданне вытворчасці мабільнай сельскагаспадарчай тэхнікі і грузавых аўтамабіляў». Прызёрам стаў кормаўборачны камбайн GOMSELMASH FS8060.